373
Fundats 1643 10. maj.
altari participent, iterum vos academicos civesqve omnes hortamur, ut statis diebus aliqvid conferatis ad remunerandum ministros hujus vestræ ecclesiæ, qvi vigilent pro animabus vestris. Hortamur etiam privatos præceptores, qvorum fidei nobiles adolescentes commissi sunt, qviqve de discipulorum suorum actionibus rationem reddere tenentur, ut eos ad audiendas conciones et communes preces una cum piis christianis in templo faciendas admoneant atqve impellant. Lex IV: Parentes vestros, magistratum et præceptores honore afficite, nec dubitate vos tum deo ipsi obedire cultumqve gratissimum præstare. Inprimis vero magnifico viro præsidi nostro omni observantia obtemperabitis, dicto ejus audientes omnes et singuli eritis, neqve voce neqve exemplo aliorum contumaciam et ingratitudinem confirmabitis. Secus qvi fecerit, justissimam nostram iram non sine damno suo experietur. Obedietis etiam tum cæteris academiæ legibus, tum vero edictis, qvibus ad publicos actus, declamationes, disputationes et funera convocabimini, tum etiam delicti aut alio qvovis nomine a præside ad respondendum citabimini, parebitis. Prohibemus qvoqve eorum petulantiam, qvi chartas publice affixas injussi auferunt aut alias ignorante præside aut decano refigunt; in qvos gravi poena, cum deprehensi fuerint, animadvertetur. Publicas lectiones, ad qvas præses vos amandat, diligenter et modeste audietis et qvæ non intelligitis finita lectione a professore petetis. Hora decima antemeridiana ad prandium et qvinta pomeridiana ad coenam in coenaculo comparebitis; consecrationi intereritis nec ante gratiarum actionem discedetis. Neminem sine præsidis consensu ad epulum collegii introducetis. Sine præsidis aut decani, absente præside, permissu peregre nemo abeat; neqve sine salutatione et
