341
habentes, patres familias fidejussores etiam idonei sunto, qviqve in civitate ha bitent. Qvodsi convincatur, fidejussores pro eo sarciunto. 33. De eo, qvi cum alterius uxore in loco suspecto deprehenditur. Si qvis cum alterius uxore legitima deprehensus fuerit in loco suspecto, sintqve duo vicini testes turpitudinis ibi commissæ, convictus plectitor. Sin nulli sint testes, juxta regionis leges procedunto. Sed nec prætor, nec qvisqvam alius crimini, qvod mulieri objicitur, manum admoveat, qvamdiu eam maritus non accusaverit.
34. Adulteram partem bonorum suorum amittere. Si uxor adulterii rea peragatur, portio bonorum capitalium nulli, præterqvam marito, acqviritur. 35. De controversiis inter civem et rusticum. Qvacunqve de re fuerit inter civem et rusticum lis, ipsi sese mutuo purganto sacramento duodecim, si causa sit probabilis aut verisimilis. Qvodsi civis sit frater juratus, ipse se defendito iis, qvi ex eadem sunt fratria, rusticus vero vicinis et cognatis adhibitis. 36. Si civem in jus rusticus vocet. Si civis a villano in jus vocetur, tertio post die in comitio respondeto. Qvodsi non comparuerit pro convicto habetor. Si de re pecuniaria agatur, prætor una cum aliis concivibus . . . a cive extorqvento, qvo rustico satisfiat. 37. Qva ratione alienigena, qvi civis non est, hæreditatem suam redimat. Sciendum est, regem singulare qvoddam jus Slesvici habere, qvod dicitur hæreditatis emptæ. Eo redimitur hæreditas eorum, qvi Slesvici moriuntur. Idqve adipisci debent, qvi cives non sunt, omnesqve exteri, qvi ex Ducatu, ex Saxonia, 33) Cap. 24 AS. 34) Cap. 29 AS.
