345
42. De portorio interverso. Qvisqvis, portorio non soluto, fraudulenter Reveshalam transierit, id novecuplum solvito. Sliam trajecturus, si transmissionis dimidium confecerit, id novies pendito. Qvi merces ad Sliam appulerit, duodecim nummos portorii nomine pendito. 43. Nullus pistör panem prius pinsito, qvam dimidiam argenti marcam civitati persolverit. 44. Si pistor panem pinsat minus justum, civitati novem solidos pendito. Quodsi id neglexerit senior, nec punierit, civitati tres marcas pendito. 45. De calce ariis, sutoribus et pellionibus. Sutores et pelliones, qvi vitiosum opus conficiunt, id actori sarciunto, civitati tres marcas pendunto. 46. Laniones in macellum ante ne recipiuntor, qvam civitati pro scamnis duas qvartas solverint, in Paschatis festo duas qvartas, in Michaelis tres. 47. Fæminæ, qvæ in capillos mutuos involant et confligunt, urbis saxa gestanto, urbeqve excedunto, siqvidem ejus rei testes sint, vel cum senatu transigunto.
48. De convitiis scurrarum. Porro scurræ, hoc est, homines dissoluti seu ardeliones, aliiqve nebulones, qvi viris honoratis matronisqve honestis verba contumeliosa et convitia ingerunt, testibus convicti excoriantor urbeqve pelluntor, vel cum senatu transigunto. 42) Cap. 34 AS. (44)
