364
ok neyn Tüch wesen uppe deme Dinghe ok nemande helpen in Twelffeeden, so langhe he apenbare Böthe hebbe gedan, unde hebbe deme Honen allen Schaden wederlecht, edder syn Houetgued behoret deme Koninghe unde der Stad. 108. Van eyneme Bure, de den anderen Bur in der Stad anklaget umme Deuerye. 91) Eyn Bur van deme anderen Bure in der Stad beklaget uppe Deuerye ifte Roff, edder ander Laster in deme Dorpe bedreuen, de scal deme Voghede Borghen setten unde to oreme eghenen Dinge scholen ze de Sake scheden na deme Lantrechte; isset ok dat de horen buten de Sysel, so scolen ze antworden in der Stad alse Gheste. 109. We myt Walt der Stad Veste ifte Planken brickt. 92) We myt Sülfdristicheit, edder van dumkönen Synne, uthe der Stad - Veste tüth Planken, Pale, ifte Steene, de gheue dree Mark, so vaken dat schüt. 110. Van Watmel ifte des geliken to kopende. Nemant, dede bringhet Watmel, ifte Want 93) deme gelik, vorkope dat anders alse et is, nicht bii Elen gedeelet. 111. Van Kopenscup vrömder Kremer unde Koplüde. Alle Kremer, Koplüde, dat Gheste synt, de scholt ore veyle Gud nicht uthvliggen behaluen in deme Markeddaghen. 112. Van Kopenscup blodiger Hüde. Neen Köpmann mach blodighe Hüde kopen edder Buckvelle vor Wespertiit, de de Knakenhouwer slachten, de se apenb-ar uthenghen. 113. We Dingk-Klaghe höret auer sick. We uppe deme Dingke Klege höret auer sich, unde sick des viften Daghes nicht entsculdiget, de sii vorwunnen. 91) Cap. go. AS. 92) Cap. 91. AS.
