405
47. (48.) Straten grauent. We dar de Straten greft, unde maket des nicht wedder to van Stunden an, de breckt III Mark. 48. (49.) Up Straten leggent. De dar uppe der Stat Straten lecht dat, dar hinderen mach, de böte darvor III Mark. 49. (43.) Umme Solt wegent. Efte eyn Borger koft Solt yn Uthlande : Freslant to den Solt-Boden, unde let id foren to Flensborch, wen id wegen wert, unde breckt dar wes ynne, so mach id nicht töit wesen, unde koft eyn Borger Solt up deme Wege, de nete des süluen Rechtes, also de Geste. 50. Umme de Beckere. Nen Becker mach yn dat Beckerampt kamen er he geue deme Vagede ene Mark Penninge unde III. Scip Weiten up Sunte Tomes Auende, unde der Stat ene Mark Penninge, unde nen Mele to Yngange. 51. Knakenhower. De Knakenhouwer scolen nicht gan yn de Scrangen er se geuen tve*) Öre Penninge to Yngange deme Vagede, unde der Stat allike vele. 52. (51.) Item alle Knakenhouwer to ener Titimme Iare scolen geuen deme Vagede XVIII Öre Penninge. 53. (52.) Scomakere. Eyn islik Scomaker scal geuen deme Vagede to Yngange ene halue Mark Penninge unde der Stat ok so vele. 54. Krogerssche. Eyn islick Crogerssche edder Wyntepper, de dar hebben unrechte Mate, de beteren deme Vagede III Öre Penninge, unde der Stat III Öre Penninge. 49) Cap. 40 AF. 50) Cap. 41 AF. 51) Cap. 43 AF.
- ) Tve er tilskrevet med nyere Haand.
