409
daen yn deme Huse, de dar ynginck scal beteren III Mark, edder weren sick mit XII Man Ede, dat he nicht unvredeliken yngynck. geit 60. (61.) Husfrede. Efte iennich Man get to enes anderen Mans Hus mit eneme beraden Mode mit wapender Hant, unde breckt dat Hus, unde deit deme Werde edder Werdynnen, edder Denste, edder Gesten wunden, efte sleit döt, unde wert he grepen mit versscer Daet, unde so vele also erer weren, hebben vorlaren Hals unde Gud. Seggen se nen, so weren se sick mit VIII Naberen, erffsetene Borgere, IIII uppe isli. cke Syde. So mach he dre Manne van dessen wraken, unde sweren yn den Hilgen, dat se syn syne Unfründe, unde so scal men ander dre Mans nomen yn de Stede. 62. (61.) Lachsokent. Efte eyn Lantman let enen Borger to Dynge, des anderen negesten Dages scal de Borger eme antwarden. Antwardet he nicht, so is he ymme Rechte vorwunnen, unde is de Sake umme Penninck Schult, de Vaget unde II Borgere scolen deme Lantman uthwerderen vullenkamen Recht van des Borgers Gude. 63. Umme Voerloefte. Ift iennich Man wert schuldiget van eneme anderen Manne yn der Stadt, unde lauet eyn Borger vor eme, unde wert he nedderfellich yn de Sake, de vor eme lauede, scal vor eme antwarden. 64. Arngelde, Toftgelde. Eft eyn Borger nicht gift syn Arngelde, unde wert mant van deme Vagede des negesten Dinges na Midsamer, de böte III Öre Penninge, unde ok so vele tome anderen Dynge, unde kumpt he nicht tome drüdden Dinge, so breckt he III Mark. Al were he ok nicht to Hus, he en werd nicht entschuldiget, unde dat sulue is ok umme Toftgelt. 65. Umme Schult. Efte eyn Borger claget den anderen an uppe deme Dynge vor Gelt, steit he to, men legge eme achte Dage vor: betalt he des denne nicht, tor anderen Tit legge men 59) Cap. 88 AF. 60) micer? (52)
