423
don. 423 97. (94.) Umme Recht to donde. Welk Gast hir yn der Stat entsecht iennich Recht to donde, is he rede to zegelende, so mach he des anderen Dages alto hant, wol dat id Hillich ys, syn Recht Unde scal he allenen uth to Landewert faren, so mach he dat Recht don in deme veften*) Dage, wo wol id Hillich ys, sunder id sy Sundach edder merklich Hillichdach, so geue he sin Recht des negesten Werkeldages na deme Hilgendaghe.
98. (95.) Erffloes Gud. Sterft hir iennich yn de Stat unde heft nyne Erue by sik edder ymme Lande, so beware de Rat syn Gud Yar unde Dach; kümpt dar denne nyne Eruen, so neme de Herscop unde de Stat dat Gud mit des Rades Rade, so also dat Recht tosecht. 99. (96.) To hinderen Geste Gud. Is eyn Gast edder Lantman schuldich enen Borger Gelt, so mach men mit Borgen syn Gud hynderen, wol dat he suluen nicht kamen wyl tor Stat, so lange dat he betale edder geue syn Recht. 100. (97.) Geste Slachtynge. Welk Gast sick hir sleit yn der Stat, de betere der Herscopp XL Mark, unde XL Mark der Stat. 101. (98.) Umme valsck Gud. Welk Gast voret valsck Gud tor Stat, wert he darvor vorwunnen, he heft vorbraken Hals unde Gud, unde secht hie nen, dat he id nicht valsk en wuste, he were sik mit deme Rechte, dar de Stat mede begiftiget ys, unde dat valske Gud scal wesen vorbraken. 102. (99.) Valsk Gud. Wert ein Borger vorwunnen umme valsk Gud, he heft vorbraken Hals unde Gud, sunder he were sik van syneme högesten Lage. 103. (100.) Umme Breue. Nymant scal nemen Breue ouer Borgere bynnen Flensborch er he kümpt tome
- ) Vesten Dagen C.
