425
Rade unde Vagede, dat se eme schicken Recht; unde wil he eme nicht hören, so hebbe he suluen den Scaden. 104. (101.) Umme Ede to vestende buten der Stat. Neyn Borger scal vesten eyn Eit buten der Stat, efte nemen sik Antwart to, unde geit iergen yn Neueningen edder Santmans Ede, he scal sceden wesen van der Stat Rechte. 105. (102.) Umme Huskopent unde Erde, wo men id lachbeden scal. Welk Man koft Hus edder Erden mit synen reden Penninghen, de en dorue id nicht lachbeden uppe deme Dynge, wen he id vorkopen wil; sunder Erue-Gud scal men up deme Dynge lachbeden den, de negest syn to kopende. 106. (103.) Gud to scotende olderlose Kinderen. Alle olderlose Kinderen Gud, dat [dat] zellet wert mit des Rades unde ander gude Lüde Rade, unde wert scotet up deme Dynge, dat scal vast wesen. (104) Borger Recht. Welk Borger, dar de Vaget auer claget, schut he sine Sake vor dem Rat, he en mach eme nicht lachsoken, er eme de Rat aff edder tho vyndet. 107. (105.) Umme Witlicheit. Welk Man, de dar Tüchnisse bringen wil umme jennich Recht, de Witlicheit scal he tovoren bryngen, unde nicht na; anders docht de Tüchnisse nicht. 108. (106.) Enen Borger to nemende. Nyn Vaget mach iennigen Man to Borger nemen buten des Rades Willen. 109. (107.) Umme Lofte. Wat dar lauet unde endiget wert vor deme Rade, dat scal stede unde vast wesen) efte yd endyget wurde up deme Dynge. a) C. add. alse. (54)
