427
110. (108.) Recht to geuende. Alle Eede, de dar geuen werden redeliken bynnen Flensborch, de scolen stede vast wesen, sunder de Rat seggen unde vynden, dat id is apenbar Mene. 111. (109.) Umme Sake to vragende. Alle Losinge, dar VIII Santman umme sceden, dat ys IX Mark, unde alle Losinge -Stücke, dar de Santman nicht umme sceyden, dat scal wesen III Mark. 112. (110.) Huskopent unde Schypp. We dar koft Hus edder Scip unde tüth dat wedder thorügge, de gelde III Mark. 113. (111.) Umme Hure - Hus. Welk Man eyn Hus huret, unde faret yn dat Hus, wol dat he de vullen Tit nicht darynne syt, he geue de fullen Hure, unde faret he dar nicht yn, so geue he de haluen Hure, unde tüth he sin Word torügge, de dat Hus vorhurde, so geue he demeiennen, de dat Hus hurde, de haluen Hure. (114.) Lent Gud,) Lent Gud mach men uthpanden vor Sculde, men vorhuret Gud, dar men Hure affnemet, dat en mach men nicht uthpanden ymme Rechte. 114. (115.) Umme Deuerye. Unde We sinen Deeff gript, de bynde eme sine Hende up deme Rügge, unde bringe ene to Dinge, unde henge eme up, edder he betere der Herscop XL Mark. gript eyn Man eyn Deff, unde let ene lopen, unde brinckt ene nicht to Dynge, de betere ok so vele, edder geue syn Eet mit deme hogesten Gilde, dat he nynen Deeff grep edder bant. 115. (116.) Umme Deuerye. Wert eneme Borger togelecht Deuerye, so scal he sik weren mit synen negesten Naberen III uppe der vorder Hant, unde II uppe der luchteren Hant, erfsetener Lüde, unde de viue scolen ene weren mit ereme Ede. Efte eyn edder II 88) De i Parenthesen fatte Ord fynes at være til- b) Dette Capitel mangler i den danske Text.g føjede med nyere Haand. (54*)
