433
doch so scal he Borgen setten touoren vor sick, dat de XII Borgere scolen wesen besetene Borgere, de ene weren scolen. 124. (126.) Umme Deuerye edder Roff. Schuldiget eyn Lantman enen Lantman yn der Stat vor Deuerye, edder ander hoge Sake, de up deme Lande scheen synth, de scal setten deme Vagede Borgen, unde volgen syner Sake uppe deme Herdesdynge. 30 125. (127.) Umme enen Ratmanne. Oldermanne van Knutes Gylde, mit der oldesten Ratmans Wille unde Rade, scolen Ratmanne ynnemen unde afsetten also eme dunket vor dat meyne Beste, ock nemant anders. 126. (112.) Hus hurent. Eft eyn Man faret yn eyn ander Mans Hus unlachsocht, unde let sick denne lachsoken, so scal men tovoren uthwerderen deme Werde syne Hure er eneme anderen wert wes utewerdert van sineme Gude. 127. (113.) Hüre-Hus. Welk Man syt yn enes anderen Mans Hus, unde betalet eme syne Hure nicht to rechter bescedener Tit, so mach de Wert nemen II Nabere, unde werderen uth sine Hure sunder Broke. 128. Wol wat koft unde nycht betalt rede.') Wan eyn Borger efte Ynwonre wes koft uppe der Brüggen efte up deme Markede, edder wor id sy bynnen der Stat, unde kan efte wil sodans nicht betalen, so scal, de Vaget de Vorkoper uthwerderen van der ander Kopers redesten Gude vor syne Betalinge, unde eme vort to antwardende. 1) Dette Capitel mangler i den danske Text, ligesom det følgende Tillæg i den danske Text savnes i det plattydske Haandskrift. (55)
