578
quidem fundos, sylvas, prata et pascua possederant temporibus progenitorum nostrorum ad centum annos et ultra pacifice et quiete, salvis nostris terris et agris cum eorum pertinentibus universis. 10. Item volumus, ut hospites non vendant nec emant in foro villæ, seu infra terminos ejusdem, in prejudicium consulum seu villanorum absque eorundem licentia & consensu. 11. Item volumus et mandamus omnibus in eadem villa Stubbeköping habi. tantibus, ut omnes exsolutiones ad jus nostrum regale spectantes, tam impositas non solutas, quam imponendas, cum prædictis villanis, qui huiusque (hucusque?) dictas exsolutiones exposuerant, exponant, de cetero non recusent, quod etiam per omnes alios, bona sive terras in dicta villa posidentes, fieri volumus, prout ipsis per consules ibidem opportune impositum fuerit et injunctum, tali conditione mediante, quod quantum de dictis exsolutionibus ad nostros famulos in prædicta villa seu extra residentes juste exsolvendum devolutum fuerit, nobis in eisdem exsolutionibus debeat defalcari. Unde sub obtentu gratiæ nostræ firmiter inhibemus, ne quis advocatorum nostrorum, eorundem officialium, seu quisquam alius, cujuscunque conditionis vel status existat, prædictos villanos, vel de ipsorum familia aliqvem, contra hujusmodi libertatis gratiam a nobis indultam, præsumat aliqualiter impedire, prout ultionem et indignationem nostram regiam duxerit euitandam. Datum Nicocopiæ in Falstria Anno Domini 1354 ipso die Philippi & Jacobi apostolorum, in præsentia nostra, nostro sub sigillo, præsentibus appenso in testimonium præmissorum.
