Svenonis Aggonis Historia Legis castrensis Regis Canuti Magni. Proæmium. 10 dno bod op de scan Pinang du troja zo Quum multa nobis curiosa indagatione reliquerit antiquitas, societatis etiam militaris utilitati providere studuit, ne vaga libertate potita effrenis juventus castren Hinc potentissimi Daniæ reges, ut sis mutuis se contumeliis impune lacesseret. improborum refrænarent audaciam, ab ultima memòria, legem promulgandam sanciverunt, quam suo idiomate Witherlogh nuncuparunt, nobis vero latino sermone, licet vocabulo minus proprio, legem castrensem sive militarem vel legem curiæ appellare licebit. Hanc equidem temporis vetustas prorsus antiqvasset, utpote raris admodum hucusque existentibus, qui res superiorum seculorum, qvamlibet illustres, memoriæ literis que commendarent, nisi si totius regni Danici illustris & maximus antistes Absalon, consveta curiositate, circumspectaque ac provida deliberatione cum nutricio suo, Kanuto rege, Waldemari primi, Daniæ regis filio, mature habita atqve instituta, in exiguum qvoddam volumen, velut in matriculam, eam contulisset. Nam qvod antiqvitate obsoletum esse plerumque decernitur, id ipsum literarum beneficio reparatur. Qvum itaque constitutiones ejusmodi, nostra vernacula, & qvidem succincta brevitate, conscriptas reperissem, eas in latinum sermonem transferre conatus sum, haud sane scientiæ aut ingenii confidentia, neve ut, præsumptuosa qvadam arrogantia, majori doctrina præditis præjudicium facerem, verum potius, ut ampliore dicendi facultate florentibus materiam elegantiori stilo elaborandam præberem. Primo itaque de legum castrensium conditoribus dicam: deinde, qvare & ubinam leges istas promulgaverint, edocebo.
